記得以前讀書果時,喜歡一位女孩子,礙於在下當時個look 已經係毒男一名,所以當然係失敗啦,而且仲聽到人家火速結婚,在下本來係一個十分之長情的人,咁佢要結婚,諗住寫封信去慰問一下,當做在下對於呢位女孩子身上所做o既野劃上句號,內容已經完全唔記得晒,只係記得第一句我係寫『long time no see,妳好嗎?』....又英又中,依家諗返起都想笑,如果,當時在下日文有依家呢個lv,寫首日文歌詞會唔會型d 呢~~例如glay o既 happiness,l'arc o既瞳之住人,又或者係 x-japan o既 endless rain 都係唔錯o既選擇,唉...真係生不逢時,點解在下咁遲先學日文......(謎之聲: 你已經比人早十幾年學,仲想點?) 莔~~

幾年後o既今日,又有人結婚了,今次好平靜,預左做大毒男,呢d野已經無乜特別大刺激,正如某人所講,自己諗o下點樣練勁d iidx,鋤多幾首歌 aaa返黎仲實際啦~~依家已經實現左一dd ,呢個日記無得放片上黎咋,如果唔係一定放上來!!

另外,近排成日同人講起阿倩(假),明明佢係有個名,唔知點解講講o下就變左阿倩(假),傾計講起佢都係叫『阿倩括弧假』......算喇,唔深究,咁樣仲好,原本我都唔想開真名,無人知我可以盡情講,不過諗返起,當初阿倩(假)仲o係我身邊時,成日屈我好多女,又話好多女溝我,for example ,c小姐,小琪,依家隔左咁耐再加上大局已定先講.....頂你成日屈我好多女,根本完全都無,又話我食煙係因為當時溝緊o既女都食......唔好咁多幻想好唔好?? 我唔知妳依家仲有無睇我日記,如果有睇,我知妳一定會講『哦,無所謂』,『閱』或者『who fucking cares~~』之類o既說話,不過唔緊要,講出黎係對我自己人格做個交代,並唔係要改變乜野妳對我o既諗法,妳安心做妳o既事,另外仲有一件事,我依家個袋仲有二十枝煙,在下決定食晒呢二十枝之後以後都唔食,係我自己唔食,唔係有女唔俾我食,ok?

話說上年去完上年度最後一個紅色炸彈,在下o既怪物小王子造型又可以登場.....唔得,套衫真係實在太型,著住仲未行出街都已經忍唔住笑,因為實在太型了~~套衫係度身訂做,肥少少都著唔落,套衫買左已經幾年,證明在下仍然都係咁fit!! 主人家29歲仔就結婚,真係悲哀,大家後生仔女,難免有人搵在下來比較,全場俾人問得最多o既問題就係『幾時輪到我結婚擺酒?』雖然,在下經常o係呢個日記入面話自己毒男o者,但係大庭廣眾又無理由走出去law 枝咪黎大聲講『我係毒男,你地唔好再問我幾時結婚』.......咁架....點講都講唔通,於是我只係話『唔好講呢d野』黎輕輕帶過,當中有個九十幾歲(我估)o既婆婆仲話『希望o係有生之年飲到我餐喜酒』,講起真係灰,婆婆....我係毒男,呢樣野好抱歉幫你唔到,來世再投胎睇o下做唔做到你新抱啦~~

沒有獻出一切 沒試過贈我光輝
無奈你也叫 monica 誰能代替這個地位
從來未覺迷戀的珍貴 直到一日再一日流逝
難道看我你會覺得心有愧 柔情蜜語都收於心底
就算初生之虎怎麼失禮也不能自毀
迎面哪裡有天梯 有幾多氣力也是注定枉費

* Thank you my dear monica
傷口即將免疫再不怕
或者知道你在內疚吧
因此我會聽話 今天過後會說再見
謝謝你好 日後會這樣嗎
鳴謝你一手一腳令我牽掛 Goodbye *

# 來日做了你的好友 亦靠演技太好造就
名字碰上了你這首輓歌 情形就似天國敘舊
從前沒有發覺星星也會走 沒有準備過怎善後
誰若怪責我 怪我哭得不夠 回頭就靠笑聲來自救 #

Repeat * # *

Thank you Monica, My Dear monica
或者知你會 眼淚亂爬 因此我會聽話
今天過後要說再見 現在也可 練習說告別嗎
臨別能否親親我 好嗎
Thank you my dear monica
傷口即將免疫再不怕 或者知道你 也珍惜我
改天你說給她 今天過後會說再見
現在也可 練習說告別嗎
臨別能否親親我 令你牽掛
臨別能否擁緊我 令我可牽掛